Monday, June 14, 2021
घरBanner Newsअवैध मरिचसहित वीरगञ्जबाट २ जना पक्राउ

अवैध मरिचसहित वीरगञ्जबाट २ जना पक्राउ

वीरगञ्ज : प्रहरीले वीरगञ्ज महानगरपालिका–२५, सिर्सिया पुल नजिकैबाट २ सय किलो कालो मरिचसहित २ जनालाई नियन्त्रणमा लिएको छ ।मरिच ओसारपसारमा संलग्न भारत रक्सौलका २८ वर्षीय दीपेन्द्र मण्डल र वीरगञ्ज महानगरपालिका–२२ का ३६ वर्षिय विनोदप्रसाद पटेललाई प्रहरीले पक्रेको हो ।

जिल्ला प्रहरी कार्यालय, पर्सामा कार्यरत प्रहरी नायब उपरीक्षक मानबहादुर राईले नेपालबाट भारततर्फ मरिच निकासी गर्दै गरेको अवस्थामा २ जनालाई नियन्त्रणमा लिएको जानकारी दिए ।प्रहरीले मरिच ओसारपसारमा प्रयोग गरिएका तीन मोटरसाइकल नियन्त्रणमा लिएको छ । बीआर २२ आर ४६४५, बीआर ०५ एफ ९१७३ र ना.५० प. ६७२३ नम्बरको ३ थान मोटरसाइकल प्रहरीले नियन्त्रणमा लिएको हो । प्रहरी नायव उपरीक्षक राईका अनुसार, प्रहरीले २ सय किलोग्राम मरिच आवश्यक कारबाहीका लागि वीरगञ्ज भंसार कार्यालयमा बुझाएको छ ।

भियतनाम लगायत तेस्रो मुलुकबाट नेपालमा भित्रिने मसलामा प्रयोग हुने मरिच नेपालबाट भारतर्फ चोरी निकासी हुने गरेको छ । मरिचको भाउ नेपालमा भन्दा भारतमा बढी छ ।यसैबीच, वीरगञ्जबाट विभिन्न मितिमा बरामद ४ सय ५० किलोग्राम केराउ प्रहरीले भन्सार पठाएको छ । गैरकानुनी तवरले नेपालबाट भारततर्फ ओसारपसार कार्य नियन्त्रणका लागि खटिएको प्रहरी टोलीले विभिन्न स्थान र समयमा बरामद गरेको केराउ प्रहरीले भन्सारलाई बुझाएको हो ।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

Most Popular

Recent Comments