पुनर्निर्माणको काम एक वर्षमा पूरा हुने दावी : प्रधानमन्त्री ओली

काठमाडौं :प्रधानमन्त्री केपी शर्मा ओलीले भूकम्पले क्षतिग्रस्त संरचना पुनर्निर्माणको काम एक वर्षमा पूरा हुने दावी गरेका छन् । पुनर्निर्माणको काम युद्धस्तरमा अघि बढेको उनको भनाइ छ ।२०७२ सालमा गोरखाको बारपाक केन्द्रविन्दु भएर विनासकारी भूकम्प गएको चार वर्ष पुगिसके पनि पुनर्निर्माणको काम सन्तोषजनक नभएको भनेर कतिपयले सरकारको आलोचना गरिरहेका बेला प्रधानमन्त्रीको यस्तो भनाइ सार्वजनिक भएको हो ।