Sunday, August 1, 2021
घरBanner News‘नेपाल र कोरियाको सम्बन्ध प्रगाढ’

‘नेपाल र कोरियाको सम्बन्ध प्रगाढ’

काठमाडौँ:नेपालसँग दक्षिण कोरियाको सम्बन्ध प्रगाढ रहेकोले यो सम्बन्धलाई आर्थिक विकाससँग जोडेर अघि बढ्नुपर्ने मङ्गलबार यहाँ आयोजित एक कार्यक्रमका वक्ताहरुले बताएका छन् । ऐक्यबद्धता प्रकाशन नेपालको आयोजनामा ‘कोरियामा नेपालीहरु र विप्रेषणको अवस्था’ विषयक अन्तरक्रिया कार्यक्रममा बोल्दै सहभागीले कोरियामा नेपालीको आकर्षण बढिरहेको उल्लेख गर्दै नेपालको विकासमा दुई देशबीचको सहकार्य आवश्यक रहेको औँल्याएका थिए ।

राष्ट्रिय योजना आयोगका पूर्वउपाध्यक्ष दीपेन्द्रबहादुर क्षेत्रीले सन् १९५६ ताका दुई देशको प्रतिव्यक्ति आय समान रहेकामा अहिले कोरियाको ३० हजार डलर रहेको र नेपालीको एक हजार चार रहेको उल्लेख गर्दै कोरियाबाट नेपालीले धेरै कुरा सिक्नुपर्ने बताए । उहाँले नेपालमा वित्तीय स्रोतको अभाव रहेको बताउँदै स्थायी सरकार निर्माणसँगै औद्योगिक वातावरण बनेकाले लगानी गर्न कोरियालाई आग्रह गर्नुपर्ने विचार राखे । सरकारले बैंकलाई पनि वैदेशिक लगानी भित्र्याउन अनुमति दिएकाले बैंक–बैंक सहकार्य गर्न सकिने अवस्था रहेको उहाँले बताए । कोरियाको जेवी बैंकका पदाधिकारी र नेपालका रेमिट्यान्स कम्पनी तथा बैंकर्स सहभागी रहेको उक्त छलफलका क्रममा बोल्दै उक्त बैंकका प्रमुख कार्यकारी अधिकृत लिम योङ टेइले कोरियामा रहेका नेपालीले जेवी बैंकमार्फत कारोवार गरिरहेको जानकारी दिए ।

“सेवा लिन आउने नेपालीको दर बढ्दो रहेको उल्लेख गर्दै लिमले भने, “आत्मियता र सम्बन्ध पनि बढ्दै गएको छ, अहिले तीन हजारले सेवा लिइरहेका छन्, अझै बढीभन्दा बढी सेवा कसरी दिन सकिन्छ भनेर नेपालमा आएका छौँ ।” विगतमा कोरियनहरुले समेत यसैगरी काम गर्न अन्यत्र मुलुक गएको स्मरण गर्दै उहाँले नेपाल र कोरियाको बीचमा सहकार्य गर्न आतुर रहेको उल्लेख गरे । कार्यक्रममा नेपाल राष्ट्र बैंकको विदेशी मुद्रा व्यवस्थापन विभागका कार्यकारी निर्देशक भीष्मराज ढुङ्गानाले नेपालको आर्थिक परिसूचक राम्रो बन्दै गएको र विप्रेषणदर बढ्दो क्रममा रहेको उल्लेख गर्दै नेपालबाट झण्डै ४० हजार व्यक्ति कोरियामा गएर काम गरिरहेको जानकारी गराए ।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -
Nepal Lawyer

Most Popular

Recent Comments