Sunday, October 17, 2021
घरTrendingनेपालप्रेमी एमारीको हिन्दूबौद्ध विधिबाट दाहसंस्कार

नेपालप्रेमी एमारीको हिन्दूबौद्ध विधिबाट दाहसंस्कार

पोखरा: पोखराको सेती नदी खोचमा कायाकिङ गर्ने क्रममा मृत्यु भएकी अष्ट्रेलियन नागरिक क्यासिन्ड्रा इसाइज एमारीको हिन्दू परम्पराअनुसार दाहसंस्कार गरिएको छ ।

नेपाल प्रेमीको क्यासिन्ड्रा मङ्सिर १३ गते कायाकिङ गर्ने क्रममा मृत्यु भएको हो । नेपालको प्राकृतिक सुन्दरतासँग रमाउने क्यासिन्ड्राको उनका अभिभावक आएर हिन्दूबौद्ध मिश्रित विधिबाट दाहसंस्कार गरेका हुन् ।

तेइस वर्षीया उनी पाँच वर्षदेखि नेपालमा आउनेजाने गर्दै आइरहेकी थिइन् । नेपाल आएपछि तीन-चार महीना विभिन्न ठाउँ घुमेर बिताउने उनले जलयात्रामा विशेष रुचि राख्ने गर्थिन् । उनी नेपाल प्रेमी भएकाले उनको नेपाली धर्मअनुसार दाहसंस्कार गरिएको उनकी आमा शुले जानकारी दिए। क्यासिन्ड्रा आमा बुबा र दिदीभाइ दाहसंस्कारका लागि नेपाल आएका थिए ।

पोखराको लामाचौर र हेम्जाको झोलुङ्गे पुल नजिकै अकलादेवि मन्दिर तलको खोचमा क्यासिन्ड्रा सवार कायक बेपत्ता भएको थियो । उनको खोजी गर्ने क्रममा १० मिनेटमै उनको खुट्टा देखेपछि उद्धार गरिएको नेपाल एशोसिएशन अफ जलयात्रा एजेन्सी (नारा)का अध्यक्ष निम मगरले जानकारी दिए।

उनको पश्चिम क्षेत्रीय अस्पतालमा उपचारका लागि लगिएको थियो । उनको उपचारकै क्रममा मृत्यु भएको हो । मगरका अनुसार क्यासिन्ड्रा कायाकिङ एक्सपर्ट मानिन्थिन् । उनको जलयात्रामा राम्रो दख्खल थियो । हामी अघिपछि थियौँ । उनले कायक चलाइरहेको थिइन् । एक्कासी नदेखेपछि खोज्यौँ उनी ढुङ्गामुनि होलमा परेकी रहिछिन् । दश मिनेटमै उनको खुट्टा देखियो लगत्तै उद्धार गर्‍यौँ र अस्पताल पुर्‍यायौँ । अफ्सोच उनी बाँचिनन् ।

क्यासिन्ड्राले जापानमा सन् २०१७ मा भएको जलयात्रा विश्व च्याम्पियनशिप प्रतियोगितामा नेपाली खेलाडीलाई सहभागी गराउन भूमिका खेलेको मगरले बताए । नेपाललाई असाध्यै माया गर्ने भएकाले अभिभावकले हिन्दू संस्कारअनुसार दाहसंस्कार गरिएको मगरले बताए ।

क्यासिन्ड्राको शव नेपाली संस्कारअनुसार बाँसमा राखेर कात्रोले बेरेर मलामीसहित दुर्घटना स्थलमा लगिएको थियो । दुर्घटनाबाट उद्धार गरेर जुन ढुङ्गामा राखिएको थियो त्यही ढुङ्गामाथि नेपाली संस्कारअनुसार दाहसंस्कार गरिएको मगरले जानकारी दिए।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -
Nepal Lawyer

Most Popular

Recent Comments