Tuesday, October 26, 2021
घरBanner Newsराष्ट्रपतिको 'बाइक स्टन्ट'संगै एसियाडको भव्य उद्घाटन (फोटो फिचर)

राष्ट्रपतिको ‘बाइक स्टन्ट’संगै एसियाडको भव्य उद्घाटन (फोटो फिचर)

इन्डोनेसियाको राजधानी जकार्तामा एक भव्य समारोहकाबीच एसियाली खेलकुदको १८ औं संस्करण सुरु भएको छ । राष्ट्रपति जोको विडोडोले जकार्ताको गेलारो बुङ कार्नो रंगशालामा खेलको उद्घाटन गरेका थिए ।

उनी निवासबाट कार्गेटमा आए पनि बीच बाटैमा कार्गेटबाट ओर्लिएर आफै मोटरसाइकल चलाएर रंगलाशाला प्रवेश गरेका थिए । मोटरसाइकलमा रंगशाला प्रवेश गरेसँगै एसियाडको भव्य उद्घाटन समारोह औपचारिक रुपमा सुरु भएको थियो । मोटरसाइकल चढेपछि रंगशाला पुग्नुअघि राष्ट्रपति विडोडोले आकर्षक स्टन्टसमेत प्रदर्शन गरेका थिए । ‘एसियाको नयाँ शक्ति इन्डोनेसियामा तपाईहरुलाई स्वागत छ । एसियाड आजबाट सुरु भएको घोषणा गर्छु’ कार्यक्रमलाई सम्बोधन गर्दै राष्ट्रपति विडोडोले भने ।

रंगशालाको मध्यभागमा कृतिम पहाडमा झरना बनाएर मञ्चलाई आकर्षक बनाइएको थियो । इन्डोनेसियाको पर्यटकीय एवं चर्चित स्थल बालीको पहाडलाई झझल्को दिने गरी मञ्चमा कृतिम पहाड तयार पारिएको थियो । विविधताले भरिएको इन्डोनेसियाको संस्कृतिलाई उद्घाटन समारोहमा प्रस्तुत गरिएको थियो । चर्चित कलाकारले प्रस्तुती दिएका थिए । ओलम्पिक काउन्सिल अफ एसिया (ओसीए) का अध्यक्ष अहमद अल फहाद अल अहेमद अल सवाहले एसियाडको उद्घाटन समारोहलाई सम्बोधन गर्दै इन्डोनेसियाले ४५ राष्ट्रलाई एउटै स्थानमा ल्याएको र भाइचारको सम्बन्ध स्थापित गर्न सहयोग गरेको बताए ।

एसियाली खेलकुदकै इतिहासमा दुई फरक शहरमा हुन लागेको एसियाडका खेलहरु सेप्टेम्बर २ तारिखसम्म राजधानी जकार्ता र पालेम्वाङमा हुनेछ । दोश्रो पटक एसियाड आयोजना गरेको इन्डोनेसियाले सन् १९६२ को चौथो संस्करण आयोजना गरेको थियो । ४५ देशका ११ हजार ५ खेलाडी सहभागी एसियाडमा विभिन्न ४० खेलमा ४२० स्पर्धामा प्रतिस्पर्धा हुनेछ ।

२९ खेलमा नेपालको प्रतिस्पर्धा
एसियाडमा हालसम्मकै सर्वाधिक खेलमा सहभागिता जनाएको नेपालले २९ खेलमा प्रतिस्पर्धा गर्नेछ । १ सय २९ पुरुष र ५६ महिला खेलाडी एसियाडमा सहभागी छन् । नेपालले एसियाडमा सहभागी गराएको खेलाडी संख्या पनि अहिलेसम्मकै सर्वाधिक हो ।नेपालले आइतबार तेक्वान्दो, कुस्ती, फुटबल, ब्याडमिन्टन, उसु, कबड्डी, लन टेनिस, सुटिङ र सेपाकताक्रोमा प्रतिस्पर्धा गर्ने अफिसियल रानाभाटले जानकारी गराए ।

कमलले बोके नेपाली झन्डा
दक्षिण एसियाली खेलकुद (साग) मा भारोत्तोलनका एक मात्र स्वर्ण विजेता कमलबहादुर अधिकारीले मार्चपास्टमा नेपालको झन्डा बोकेका थिए । मार्चपास्टमा नेपालबाट १ सय १० सदस्यीय टोली सहभागी थिए । केहि खेलाडी आउने क्रम बाँकी रहेको र आइतबार प्रतिस्पर्धा गर्नुपर्ने खेलाडीले मार्चपास्टमा सहभागीता नजनाएको राष्ट्रिय खेलकुद परिषद्अन्तर्गत तालिम तथा प्रशिक्षक विभाग निर्देशक एवं अफिसियल रिमबहादुर रानाभाटले जानकारी दिए ।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -
Nepal Lawyer

Most Popular

Recent Comments