Thursday, June 17, 2021
घरविशेषक्यालिफोर्नियाको आगलागी इतिहासकै भयानक

क्यालिफोर्नियाको आगलागी इतिहासकै भयानक

अमेरिकाको क्यालिफोर्निया राज्यको जंगलमा फैलिएको आगो इतिहासकै सबैभन्दा भयानक बनेको छ । क्यालिफोर्निया राज्यको इतिहासमा यसपटकको आगलागी सबैभन्दा धेरै क्षेत्रमा फैलिएको स्थानीय अधिकारीले बताएका छन् ।

मेन्डोसिनो कम्प्लेक्सबाट सुरुभएको आगलागी अहिलेसम्म १ लाख १७ हजार ६३९ हेक्टर भन्दा बढी क्षेत्रमा फैलिएकोछ । यो लस एन्जलसको क्षेत्रफल जतिकै हो ।

आगलागी नियन्त्रणमा लिनका लागि अग्नीनियन्त्रकहरु खटिएका छन् । तर अहिलेसम्म एक तिहाई भागको आगो मात्रै नियन्त्रणमा आएको क्यालिफोर्नियाको वन तथा अग्नीनियन्त्रण विभागले जनाएको छ ।
यो आगो पूर्णरुपमा निभाउनका लागि यो महिना (अगस्ट) भरि प्रयास गर्नु पर्ने स्थानीय अग्नीनियन्त्रकले बताएका छन् । अग्नीनियन्त्रकले १८ वटा प्रमुख आगोगका मुस्लासँग संघर्ष गरिरहेका छन् ।

तीव्र गतिमा हावा चलिरहेको छ भने आद्रता निकै कम छ । राज्यको उत्तरी क्षेत्रबाट फैलिएका दुई आगोका मुस्ला क्यालिफोर्नियाको इतिहासमा सबैभन्दा भयानक रहेको बताइएको छ ।

अधिकारीले यसअघि अगस्टको मध्यसम्ममा आगो नियन्त्रणमा लिने बताएका थिए, तर अहिले आएर भने सेप्टेम्बरको पहिलो हप्तासम्म लाग्न सक्ने बताएका छन् ।

आगलागीका कारण ग्रामीण क्षेत्रका बासिन्दा प्रभावित भएका छन् । अहिलेसम्म ७५ वटा भवन जलेका छन् भने हजारौँ मानिस विस्थापित भएका छन् । आगो निभाउनका लागि १४ हजार भन्दा बढी अग्नीनियन्त्रक खटिएका छन् ।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

Most Popular

Recent Comments