Tuesday, November 30, 2021
घरBanner Newsनेपाल र नेदरल्याण्ड्स बीचको खेल वर्षाले रद्द, एमसीसी ९ विकेटले पराजित

नेपाल र नेदरल्याण्ड्स बीचको खेल वर्षाले रद्द, एमसीसी ९ विकेटले पराजित

बेलायतको लर्ड्स क्रिकेट मैदानमा आयोजित त्रिकोणात्मक टी-२० सिरिजमा नेपाल र नेदरल्याण्ड संयुक्त विजेता भएका छन् ।

नेपाल र नेदरल्याण्डले आयोजक मेरेलीबोन क्रिकेट क्लब (एमसीसी)लाई हराएका थिए । तर नेपाल र नेदरल्याण्डबीचको निर्णायक खेल भने वर्षाले रद्ध भएपछि दुवैलाई संयुक्त विजेता घोषणा गरिएको हो ।

लर्डसमा टस हारेर पहिले व्याटिङ शुरु गरेको नेदरल्याण्डले १६ दशमलब ४ ओभरमा ४ विकेटको क्षतिमा १६४ रन बनाउँदा पानी पर्न थालेको थियो । लगातार वर्षा भइरहेपछि अम्पायरले खेल रद्ध गरिदिए र दुवै टिमलाई संयुक्त विजेता घोषणा गरे ।

नेदरल्याण्ड्सका वेस्ले बेरेसीले सर्वाधिक ४४ रन बनाएका थिए । नेपालका बसन्त रेग्मी, करन केसी र सोमपाल कामीले एक-एक विकेट लिएका थिए ।

एमसीसी ९ विकेटले पराजित

यसअघि लर्डसमा त्रिकोणात्मक टी-२० श्रृखंलाको दोस्रो खेलमा एमसीसीमाथि नेपालले ९ विकेटको फराकिलो जित हात पारेको थियो।

वर्षाका कारण खेल ६ अोभरमा छोट्टाइएको खेलमा टस हारेर ब्याटिङको निम्तो पाएको एमसीसीले दिएको ४० रनको लक्ष्य नेपालले ८ बल बाँकी छँदै १ विकेट गुमाएर भेट्टायो। नेपालका सुवास खकुरेलले १६ र ज्ञानेन्द्र मल्लले १२ रन जोडे।

त्यसअघि एमसीसीले ४ विकेट गुमाएर ४० रनमात्रै बनाउन सकेको थियो। एमसीसीका लागि उसका कप्तान महेला जयवर्दनेले २४ बाहेक अन्यले दोहोरो अंक जोड्न सकेनन्। उनले १६ बलमा ४ चौका प्रहार गरेका थिए।

नेपालका सोमपाल कामीले २ तथा शक्ति गौचनले एक विकेट लिए। २ ओभर बलिङ गरेका सोमपालले ८ तथा एक ओभर बलिङ गरेका शक्तिले ६ रन खर्चेका थिए।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -
Nepal Lawyer

Most Popular

Recent Comments