Monday, June 21, 2021
घरTrendingगैरकानुनीरुपमा कामदारमाथि आर्थिक भार बढाउने संस्था खारेज हुने

गैरकानुनीरुपमा कामदारमाथि आर्थिक भार बढाउने संस्था खारेज हुने

काठमाडौं : श्रम, रोजगार तथा सामाजिक सुरक्षा मन्त्री गोकर्ण विस्टले मलेसिया जाने कामदारमाथि विभिन्न नामका संस्था खारेजी गर्न कुतनीतिक पहल थालेका छन्। विभिन्न संस्था खडा गरी कामदारमाथि आर्थिक भार पार्ने संस्थाहरुको खारेजी र रकम असुली बन्द रोक्नका लागि परराष्ट्र मन्त्रालयमार्फत मलेसियन सरकारसँग कुतनीतिक पहल गर्ने निर्णय गरेका हुन्।

नेपालको कानुनले तोकिए भन्दा गैरकानुनीरुपमा रकम संकलन र असुली हुदैँ आएकोमा त्यसलाई रोक्न मन्त्रीले उक्त कदम चालेका हुन्। रोजगारदाता र नेपाल सरकारको सम्झौताभन्दा बाहिरको कामदारमाथि भइरहेको आर्थिक शोषण अन्त्य गरेरै छाड्ने उनले प्रतिवद्वता व्यक्त गरे। अहिले मलेसिया जाने कामदारमाथि विभिन्न नामका संस्थाले सिन्डीकेट गरी कामदारमाथि १७ हजार ४ सय रुपैयाँको आर्थिक भार थपिरहेका छन्।

मलेसिया जाने कामदारमाथि बायोमेटिक स्वास्थ्य परीक्षणका नाममा ३९ वटा मेडिकल सेन्टरले सिन्डीकेट गरिएका छन्। उनीहरुले स्वास्थ्य परीक्षण वापत ४५०० रुपैयाँ असुली गरिरहेका छन्। भिएलएन र वएचसीका नाममा राहदानी संकलन, अनलाइन प्रणाली र भिसा प्रोसेसका नाममा ६७०० रुपैयाँ असुली भइरहेको छ।

त्यस्तै माइग्रामका नामा ३२००, सेक्युरिटी क्लिरेन्सका नाममा ३००० हजार रुपैयाँ असुली रोक्न र त्यस्ता संस्था खारेजीका लागि परराष्ट्र मन्त्रालयमार्फत कुतनीतिक पहल गर्दै खारेजी प्रक्रिया अघि बढाउने मन्त्री विष्टले निर्णय गरेका हुन्।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

Most Popular

Recent Comments